មេបក្សប្រឆាំងថៃ អះអាងថា ខ្លួនមានព័ស្តុតាងគ្រប់គ្រាន់ ដើម្បីបកស្បែកមុខរដ្ឋាភិបាល អនុទីន

នយោបាយថៃ កាន់តែក្តៅគគុក ដោយនៅពេលនេះ មេបក្សប្រឆាំងធំបំផុត លោក Natthaphong Ruengpanyawut ចេញមុខអះអាងថា គណបក្សប្រជាជនរបស់លោក មានព័ស្តុតាងគ្រប់គ្រាន់ ដែលអាចធ្វើឲ្យរដ្ឋាភិបាល ដឹកនាំដោយនាយករដ្ឋមន្ត្រីអនុទីន រង្គោះរង្គើបាន។

ដោយសំដៅទៅគណបក្សភូមិចៃថៃ, លោក Natthaphong អះអាងថា ព័ស្តុតាងកំពុងស្ថិតក្នុងដៃគណបក្សប្រជាជន ដែលសមល្មមនឹងការបកស្បែកមុខ ដើម្បីទម្លាយការពិត អំពី «អំពើពុករលួយនៃរបបពណ៌ខៀវ»។ ព័ស្តុតាងទាំងអស់ បង្ហាញពីរបៀបដែល «របបពណ៌ខៀវ» កំពុងពង្រឹងអំណាច រួមទាំងការចោទប្រកាន់ ពីការប្រើឥទ្ធិពលក្នុងប្រព័ន្ធនយោបាយ ស្ថាប័នឯករាជ្យ និងក្រុមអាជីវកម្មដែលពាក់ព័ន្ធនឹងកិច្ចសន្យាសារធារណៈរបស់រដ្ឋ ផងដែរ។

តាមសម្តីលោក Natthaphong ដែលដកស្រង់ផ្សាយដោយសារព័ត៌មាន Khaosod កាលពីថ្ងៃអង្គារ ទី១ ខែកញ្ញា ឆ្នាំ២០២៦, លោកនឹងគណបក្សប្រឆាំងផ្សេងៗទៀត បានពិភាក្សាគ្នារួចហើយ ដើម្បីប្រមូលព័ស្តុតាងទាំងអស់ ហើយត្រៀមខ្លួនរួចជាស្រេច ក្នុងការសួរដេញដោលគ្រប់រូបភាព និងការបោះឆ្នោតដកសេចក្តីទុកចិត្តរដ្ឋាភិបាល នាពេលខាងមុខ៕

ប្រភព៖ Khaosod