ប្រធាន គ.ប.ប ខេត្តបាត់ដំបង ដែលបោកប្រាស់មនុស្សមួយនគររឿងទុរេន ត្រូវបានក្រសួងបញ្ចប់មុខតំណែង និងបណ្ដេញចេញពីក្របខណ្ឌ

ភ្នំពេញ : ក្រសួងពាណិជ្ជកម្មនៅថ្ងៃនេះ 15/05/26 បានសម្រេចបញ្ចប់មុខតំណែង និងបណ្ដេញចេញពីក្របខណ្ឌប្រធានសាខាកិច្ចការពារអ្នកប្រើប្រាស់ និងការប្រកួតប្រជែង ក.ប.ប. ខេត្តបាត់ដំបង ដែលមានកំហុសរឿងភូតកុហកសាធារណជនរឿងទុរេនលួចនាំចូលពីប្រទេសថៃ ។

លោកស្រី ចម និមុល រដ្ឋមន្ត្រីក្រសួងពាណិជ្ជកម្ម បានបញ្ជាក់នៅក្នុងលិខិតមួយថា ត្រូវបានបញ្ចប់មុខតំណែង និងលុបឈ្មោះចេញពីក្របខ័ណ្ឌមន្ត្រីរាជការ លោក គឹម ប្រុស អត្តលេខ ១៧៣០៥០០០២០ ពីប្រធានសាខាកិច្ចការពារអ្នកប្រើប្រាស់ និងការប្រកួតប្រជែង ក.ប.ប. ខេត្តបាត់ដំបង នៃអគ្គនាយកដ្ឋាន កិច្ចការពារអ្នកប្រើប្រាស់ និងការប្រកួតប្រជែង។

ការសម្រេចនេះបានធ្វើឡើងបន្ទាប់ពីមានការព្រមានជាសាធារណៈពីប្រធានព្រឹទ្ធសភាសម្ដេចតេជោ ហ៊ុន សែន នៅក្នុងជំនួបកិច្ចការបក្សមួយ ឯខេត្តស្វាយរៀងកាលពីម្សិលមិញ ៕